سياسة "Ultras Generation Star "

• 
  اهلا بكل الاعضاء ,,
  في الاول احب اعرف بالجروب دة
  بسم الله الرحمن الرحيم
  يا جماعة
  سياسة الصفحه1 -احنا جروب تمويل ذاتي
  2 -احنا صفحه ملناش دعوة بصفحات تانيه واي كلام ينزل علي الموقع او البيدج دا كلامنا احنا مش كلام حد تاني
  3 -اي جروب يتسمى بإسمنا مش تبعنا
  4-احنا جروب لينا افكار سياسية واخري متنوعة
  5-اي حد يدخل الجروب دا يعرف ان الجروب دا مختلف عن اي جروب تاني
  6-اي قرارات تنزل لازم كله ينفذها
  7-يشرفنا اي حد يدخل الجروب واي حد هيدي افكار تفيد الجروب نعتبره واحد من اعضاء الجروب
  الجروب دة مش هيبقى بس جروب على الانترنت أو الفيس بوك وبس
  الجروب دة هيبقى في اكتفيز عالية جدا ,,
  جروب UGS هو جروب ألتراس تامر حسني " ULTRAS Generation Star "
  كل الناس اللي هتبقى في الجروب دة هنبقى عاملين زي التراس فرق الكورة
  ودي حاجة حلوة اننا هنبقى اول جمهور بيعمل التراس للفنان بتاعه
  
  -
  
  طبعا الجروب دة لسة جديد وهحتاج معايا ناس كتير اوي تعمل الحاجات اللي هقول عليها قدام
  
  و احب اقول ان الجروب دة هيبقى بعلم من تامر حسني شخصيا وهيبقى بعلم كل تيم تامر حسني " TEAM TAMER HOSNY "
  
  في الاول هبدا اقول ان هنبقى مع تامر في كل حفلاته لابسين لبس معين وحاملين شعار معين
  
  هيبقى في ميتنج قدام ان شاء الله لاعضاء الجروب دة عشان هنتفق ايه اللي هيتم اول باول
  
  وفي فكرة جامدة اوي وهي اللي هيطلع في الجروب دة هيبقى في " تكريم لتامر حسني "
  
  هقسم الالتراس كالتالي :
  
  1- فريق للرد ع الاشاعات اللي بتتقال عن تامر وهيكون الرد عن اساليب الميديا ( راديو وتلفزيون )
  2- فريق تنظيم الالتراس لما يكون في حفلات لتامر وايه هيكون وضعهم واماكنهم واشكالهم ويكون في دخلات معينة هتليق بتامر وبفريق الالتراس
  3- فريق معين هيكون بيساعدني انو يكون حلقة الوصل بين تامر وبين الالتراس .
  4- هيكون في فريق معين لتقسيم الناس اللي من برة مصر اللي بتحاول تعمل التراس برة مصر
  5- هيكون في فريق لمناقشة اعمال تامر .
  6- ودة اهم حاجة هيكون في فريق بيمثل تامر قدام الناس وقدام كل الجماهير والفنانين التانية .
  7- هيكون في جروب مختص بس بالسايت الرسمي للالترس اللي هيتعمل قريب ان شاء الله
  ولسة في حاجات تانية كتير
  
  
  ويارب الالتراس دة يبقى رافع راس تامر قدام كل الناس ...
  
  يا جماعة اللي مستعد يبقى واحد من الالتراس وعندو افكار بجد وحابب يعمل شغل بجد وعايز يفرح تامر يدخل الجروب دة وان شاء الله هيبقى افتتاح جامد جدا للجروب مع تامر ان شاء الله ..
  
  
  شوية شوية هنكبر وهنعلى مع تامر واسمنا هيبقى موجود كبير جدا ف الساحة ان شاء الله